«Халықтың сүйіктісі» сыйлығының иегерлері 12 қаңтарда марапатталады

АСТАНА. ҚазАқпарат - «Халықтың сүйіктісі-2018» сыйлығы иегерлерін марапаттау рәсімі Астана қаласында 12 қаңтар күні өтеді, деп хабарлайды ҚазАқпарат тілшісі.

«Республика-Аймақ-Даму» қоғамдық қорының президенті Ғалым Байтоқ хабарлағандай, марапаттау рәсімі сағат 15:00-де «Риксос» қонақ үйінде өтеді.

Еске сала кетсек, бұған дейін «Халықтың сүйіктісі-2018» сыйлығының жеңімпаздары белгілі болғаны туралы бұған дейін хабарлаған едік. Кеште «Жылдың үздік дәрігері», «Жылдың үздік мұғалімі», «Жылдың үздік спортшысы», «Жылдың үздік спортшы қызы», «Жылдың үздік парламентарийі», «Жылдың үздік тележүргізушісі», «Жылдың үздік публицисті», Жылдың мәдени қайраткері», «Жылдың үздік ақпараттық интернет басылымы», «Жылдың блог саласының көшбасшысы», «Жылдың үздік фермері», «Жылдың үздік кәсіпкері», «Жылдың FASHION қайраткері», «Жылдың үздік қоғам қайраткері», «Жылдың үздік вайнерлері» марапатады.

Сыйлық иегерлерін мына сілтемеден көруге болады.