ХАМАС кепілге алынған адамдарды палестиналық тұтқындарға айырбастауды ұсынды
ХАМАС кепілге алынған Израиль азаматтарын Израиль түрмелерінде қамалып отырған палестиналық тұтқындарға айырбастауды ұсынды, деп хабарлайды Каzinform Euronews-ке сілтеме жасап.
Ұйымның Газа секторындағы көшбасшысы Яхья Синвардың айтуынша, бұны біртіндеп жүзеге асыруға болады.
Беньямин Нетаньяхудің хабарлауынша, әскерилер кабинеті бұл мүмкіндікті талқылады, бірақ шешім қабылдаған жоқ. Сенбі күні Израиль премьер-министрі кепілге алынған адамдардың отбасыларымен кездесіп, мемлекеттері олардың қайтарылуы үшін бар мүмкіндікті пайдаланып отырғанына сендірді.
«Әскери қысым күшейгенше, атыс күші артқанша, біз ХАМАС-қа көбірек соққы бергенше, ХАМАС-тың жақындарыңызбен қауышуға мүмкіндік беретін шешімдерге келісетін жағдайға жетуге мүмкіндігіміз көп болады», - деді Израиль Қорғаныс министрі Йоав Галлант.
Көптеген израильдік қазіргі жағдай үшін үкімет басшысы жауапты деп санайды. Тель-Авивте кепілге алынғандардың отбасылары наразылық шарасын өткізіп, Нетаньяхудың отставкаға кетуін және жақындарын құтқарудың нақты жоспарын талап етті.
ЦАХАЛ мәліметінше, радикалдар қолына 230 адам түсті, ХАМАС жүздеген адамның кепілге алынғанын мәлімдеді.
