«Хайян» тайфуны соңғы 100 жылдағы ең жойқын дауыл атанды

АСТАНА. 12 қараша. ҚазАқпарат - БҰҰ "Хайян" тайфунын соңғы 100 жылдағы ең жойқын дауыл атады.

Бұл туралы гуманитарлық мәселелерді үйлестіру жөніндегі Халықаралық ұйым басқармасы үйлестіру және жауап әрекеттер бөлімінің бастығы Джон Гинг мәлімдеді.

"Біздің түсінуімізше, бұл қайғылы оқиғадан 9,8 млн адам зардап шегіп отыр", - деді ол. Шенеуніктің сөзіне қарағанда, Филиппиндегі кейбір аудандар толығымен қирап, 600 мыңға жуық адам баспасанасыз қалды.