Хильберто Рамирес: «Мен - нағыз мексикалықпын және Головкинмен жекпе-жекке дайынмын»
АСТАНА. ҚазАқпарат - WBO нұсқасы бойынша екінші орта салмақтағы әлем чемпионы Хильберто Рамирес Геннадий Головкинмен жұдырықтасуға дайын екенін мәлім етті, деп жазды Sports.kz.
- Біз алға ұмтыламыз. Мен нағыз мексикалықпын және онымен жекпе-жекке шығуға дайынмын, - деді Рамирес ESPN Deportes-ке берген сұхбатында.
Рамирестің промоутері Хесус Сапаридің айтуынша, Головкинмен кездесу Рамирестің жаңа деңгейге өтуіне мүмкіндік береді.
- Бізге мұндай жекпе-жек ұнайды, біз осыны қалаймыз. Бұл Головкин үшін оңай айқас болады деп ойламаймын. Бұл Рамирестің жаңа белестерді бағындыруына мүмкіндік беретін кездесу болмақ.
