Хоккей: Астанада «HOKEI MEIRAMY 2024» ғаламат фестивалі өтеді
АСТАНА. KAZINFORM – 27 сәуір күні Астанадағы «Барыс-Аренада» стадионында тарихтағы алғашқы «HOKEI MEIRAMY 2024» ғаламат фестивалі өтеді.
Бұл хоккей мейрамындағы басты оқиға 3х3 форматындағы турнир болмақ. Оған Қазақстан хоккейінің қаймақтары мен басқа да жұлдыздар қатысады.
Еске сала кетейік, бұған дейін Қазақстанның хоккей федерациясы QHL-дың бас демеушісі 1XBET компаниясымен бірге ел тарихында алғаш рет «1XBET HOKEI MEIRAMY 2024» ғаламат фестивалі өтетінін жария еткен болатын.
Хоккей мерекесі «Барыс-Аренада» өтеді және «1XBET HOKEI MEIRAMY 2024» фестиваліндегі басты оқиға 3х3 форматындағы турнир болмақ. Оған қазақстандық хоккейдің беткеұстарлары, ҚХЛ мен Pro Hokei Ligasy-ның қазіргі ойыншылары, жұлдыздар қатыспақ.
Турнирге келесі төрт команда қатысады: «Легенды», «PRO», «Астана» және Қазақстан құрамасы.
Командалар құрамы мен бапкерлер штабтарын жақын күндерде жарияламақ.
Турнир аясында төрт кездесу: жартылай финалдар, үшінші орынды анықтайтын матч пен финал өтеді. Матчтардың форматы: 10 минуттық жалпы уақыттан екі кезең. Ойындар 3-ке 3 хоккейінің ережелері бойынша өтеді.
Матчтардың үзілістері кезінде көрермендер үшін рэп-орындаушы V $ X V PRiNCE (Асха Принц) пен басқа да іс-шара қонақтарының қатысуымен концерттік бағдарлама жоспарланған.
