Хоккей: «Барыс» оқу-дайындық жұмыстарын Біріккен Араб Әмірлігінде өткізуде

АСТАНА. 12 желтоқсан. ҚазАқпарат -  Құрлықтық хоккей лигасы 10 күндік демалыс жариялады. Осыны пайдаланған астаналық «Барыс» хоккей клубы оқу-дайындық жұмыстарын Біріккен Араб Әмірлігінде өткізуде.

Олардың қатарында хоккейден Еуропа Кубогында өнер көрсететін Ұлттық құрама спортшылары мен жарақат алған Джон Мирасти да бар. Хоккейшілер күніне 3 рет арнайы бағдарламамен оқу-жаттығу жүргізеді. Мамандардың айтуынша, Құрлықтық лиганың соңғы кезеңіне астаналық клуб тыңғылықты дайындалуы керек. «Барыс» кезекті кездесуін 19 желтоқсанда сырт алаңда Рига қаласының «Динамосына» қарсы өткізеді, деп хабарлайды 24 KZ.