Хоккей: «Барыс» «Салават Юлаев» командасына есе жіберіп алды

АСТАНА. ҚазАқпарат - ҚХЛ аясында бүгін сырт алаңда астаналық «Барыс» Гагарин Кубогы ойынындағы үшінші кездесуде Уфаның «Салават Юлаев» командасына есе жіберіп алды.

Бұл кездесуде елордалықтар алаң иелеріне 5:2 есебімен ұтылды. Енді төртінші ойын Уфадағы мұз айдынында 25 наурызда өтеді. Ал 27 наурыздағы бесінші ойында астаналықтар «Салават Юлаевты» өз алаңында қабылдайды. Айта кетейік, плей-оффтың келесі кезеңіне өту үшін, «Барыс» аталған командамен тартыста төрт жеңіске қол жеткізуі тиіс.

Бұдан бұрын хабарланғандай, 21 және 22 наурыз күндері Астанада өткен екі ойынның қорытындысы бойынша қос команданың сериядағы есебі 1:1 болды. Бірінші кездесуде уфалықтар 2:3 есебімен ұтса, екіншісінде 5:2 есебімен «Барыс» алға шыққан болатын. Енді астаналықтар бүгінгі кездесуден ұтылғаннан кейін «Салават Юлаев» серияда 2:1 есебімен алда келе жатыр.