Хоккей: Брэндон Боченски ҚХЛ тарихындағы үздік мергендердің ондығына енді
АСТАНА. 15 қаңтар. ҚазАқпарат - Қазақстандық «Барыс» клубының шабуылшысы Брэндон Боченски ҚХЛ тарихындағы үздік мергендердің ондығына кіріп отыр. Бұл туралы Құрлықтық хоккей лигасының ресми сайты хабарлады.
198 ойында 96 гол салған Боченски снайперлік рейтингте 46,55 ұпаймен алтыншы орында тұр. Жалпы тізім мынадай: Сергей Мозякин 97,37 (188 - 363), Данис Зарипов 68,94 (154 - 344), Алексей Морозов 64,05 (151 - 356), Александр Радулов 50,95 (132 - 342), Марцел Хосса 47,11 (126 - 337), Брэндон Боченски 46,55 (96 - 198), Михаил Варнаков 43,51 (118 - 320), Александр Пережогин 41,9 (124 - 367), Патрик Торесен 40,33 (110 - 300), Павел Брендл 38,9 (73 - 137). Бүгінгі күні Боченски - «Барыс» командасында ең көп ұпай жинаған шабуылшы. Оның еншісінде гол+пас (23 шайба мен 27 пас) көрсеткіші бойынша 50 ұпай бар.
