Хоккей: Ресейліктер Рыспаевтың келуінен сескеніп отыр
НҰР-СҰЛТАН. ҚазАқпарат - «Сокол» хоккей клубы бүгін қазақстандық «Номадпен» ойын алаңына шығады, деп хабарлайды ҚазАқпарат «Новости Красноярска» басылымына сілтеме жасап.
Бүгін красноярлық хоккейшілер ЖХЛ тұрақты чемпионаты аясында өз алаңдарындағы соңғы матчтарын өткізуді бастайды.
Владислав Хромыхтың командасы «Платинум Арена» мұз айдынында «Номадпен» кездеседі. Матч 19:00-де басталады. Клубтың баспасөз қызметінің айтуынша, атышулы хоккейші Дамир Рыспаев бас қарсылас болуы мүмкін.
„ Оның мұз бетінде көптеген шу шығаруы, сондай-ақ «Барыстың» «Куньлуньге» қарсы матчы кезінде ұйымдастырылған төбелесі хоккейшінің өмір бойы спорттан шектетілуімен аяқталған болатын (төбелес видеосы youtube-те 120 млн рет қаралды). Сонымен бірге, Рыспаевтың КХЛ-дегі дисквалификациясы халықаралық ойындарға да қатысты, өйткені ол 2017 жылғы Универсиада мен Әлем кубогында Қазақстан ұлттық құрамасында ойнай алмады».
Бір жылдан кейін спортшыға кешірім жасалды. Енді ол ЖХЛ-да «Барыстың» фарм-клубы болып табылатын «Номад» үшін өнер көрсетеді.
Еске салсақ, «Сокол» мерзімінен бұрын плей-офф жолдамасын жеңіп алды, алайда, алдағы ойындар сериясында Красноярск ойыншыларына төртінші орынға жету үшін лажы болса көп ұпай жинауы қажет. Бұл өз алаңында Петров Кубогының 1/8 финалын бастауға мүмкіндік береді», — деп жазылған басылымда.
