Хоккейден Қазақстан құрамасы әйелдер арасындағы Азия чемпионатын жеңіліспен бастады

АСТАНА. KAZINFORM – Қазақстанның әйелдер хоккей құрамасы Қытайдың Пекин қаласында өтіп жатқан Азия чемпионатында алғашқы ойынын өткізді. 

Ұлттық олимпиадалық комитеттің мәліметінше, қазақстандық хоккейшілер Қытай құрамасынан 5:0 есебімен ойсырай жеңілген. 

Айта кетейік, Қазақстан құрамасы келесі кездесуін 2 қарашада Жапонияға қарсы өткізеді. 

Еске салсақ, бұған дейін елордалық «Барыс» шайбалы хоккейден Қазақстан ұлттық құрамасының қақпашысы Андрей Шутовпен келісімшартқа қол қойғанын жазған едік.