Хоккейден Қазақстан қыздар құрамасы Азиададағы басты бәсекелестерінің бірімен кездесуде
АЛМАТЫ. 31 қаңтар. ҚазАқпарат /Ербол Тұрымбетов/ - 7-қысқы Азия ойындары аясында Балуан Шолақ атындағы спорт сарайында хоккейден Қазақстанның қыздар командасы жарыстағы басты бәсекелестерінің бірі Жапония құрамасымен ойынын бастады.
Айта кетейік, Жапония құрамасы 7-Қысқы Азия ойындарының жеңімпаздығына үміткер команда. Олар бұған дейінгі Оңтүстік Кореямен өткізген ойында 10:0 есебімен ойсырата ұтқан болатын.
Қазақстан құрамасы да әзірге ұпай жоғалтқан жоқ. Жерлестеріміз әуелгі ойында КХДР қыздарын 3:0 есебімен ұтса, келесі Оңтүстік Кореямен ойында 11:0 есебімен айқын басымдылық танытқан еді.
