Хоккейден Ресейдің жастар құрамасы Әлем чемпионы атанды
АСТАНА. 6 қаңтар. ҚазАқпарат - Хоккейден Ресейдің жастар құрамасы АҚШ-тың Баффало қаласында өтіп жатқан Әлем чемпионатының ақтық сынында канадалық спортшыларды 5:3 есебімен ұтып, Әлем чемпионы атанды, деп хабарлайды РИА Жаңалықтар агенттігі.
Екі кезеңде 0:3 есебімен жеңіліп келе жатқан ресейлік хоккейшілер үшінші кезеңде канадалықтардың қақпасына бес шайба салып, жеңіске қол жеткізді.
