Хорватияның Премьер-министрі отставкаға өтініш берді

АСТАНА.Шілденің 1-і. ҚазАқпарат - Хорватияның Премьер-министрі Иво Санадер отставкаға өтініш берді. И.Санадер өзінің орнына  орынбасары Ядранку Косорды ұсынады деп күтілуде,

деп хабарлайды ҚазАқпарат РБК-ға сілтеме жасап.

Премьер-министрдің отставкаға кетуінің  себебі әзірге белгісіз.

Бірқатар БАҚ-тың хабарлауынша, И.Санадер  2010 жылға тағайындалған  президент сайлауына қатысу үшін  орынтағымен қош айтыспақ.

И.Санадер Хорватияның  Премьер-министрілігіне 2003 жылы келген болатын. Ол «Хорватияның демократиялық одағы» (ХДП) партиясына жетекшілік етеді, батыстық саяси ұстанымды жақтайды,  Хорватияның Еуропалық Одаққа және НАТО-ға  қосылуын жақтайды.

И.Санадер бұрын ғылыммен айналысқан.  Ол ағылшыншаны қоса есептегенде бірнеше шет тілдерін меңгерген.