«Хосе» дауылының қуаты төртінші дәрежеге жетті
АСТАНА. ҚазАқпарат - Шығыстан Кариб бассейніне қарай төніп келе жатқан «Хосе» дауылы жұма күні Саффир-Симпсон шкаласы бойынша 5 деңгейдің төртінші дәрежесіне дейін күшейді. Бұл туралы ТАСС хабарлады.
Дауылдардың бағытын бақылау жөніндегі америкалық орталықтың мәліметтері бойынша, «Хосе» дауылының эпицентріндегі желдің күші жұма күні сағатына 240 км-ге жетті.
Дауылдың ошағы шағын Антиль аралдарынан шығысқа қарай 700 км қашықтықта келді және ол сағатына 26 км жылдамдықпен батысқа қарай ығысуда.
Болжам бойынша дауылға қоса 50-ден 150 мм қалыңдыққа дейін жауын жауып, кейбір аудандарда ол 250 мм-ге дейін жетеді.
«Ирма» дауылынан соң күшейген «Хосе» жексенбі күні Пуэрто-Рико мен Гаитиден солтүстікке қарай және сейсенбі таңа ата тропикалық дауыл деңгейіне дейін әлсірейді.
