Хостинг компаниясының Data-орталығындағы олқылыққа байланысты Қазақстанда бірқатар сайт ашылмай тұр - Д.Абаев
АСТАНА. ҚазАқпарат - PS.kz ірі хостинг компаниясының Data-орталығындағы олқылыққа байланысты Қазақстанда бірқатар сайт ашылмай тұр. Бұл туралы Фэйсбуктегі ресми парақшасында Ақпарат және коммуникациялар министрі Дәурен Абаев жазды.
«Министрлікке қазір бірқатар қазақстандық сайт ашылмай тұрғаны жайлы ақпарат түсті. Біздің мамандар жағдайдың мән-жайын білуге кірісті. Нәтижесінде PS.kz ірі хостинг компаниясының Data-орталығындағы олқылық туындағаны белгілі болды. Қазір оны қалыпқа келтіру жұмыстары жүргізіліп жатыр», - делінген министр жазбасында.
Атап айтар болсақ, республикалық «Егемен Қазақстан» газетінің сайты да ашпай тұр.
