Hyundai ақау табылған 140 мың көлігін кері қайтарады
АСТАНА. ҚазАқпарат - Hyundai Корей автомобиль концерні 140 мың көлігін қауіпсіздік белдігіндегі ақауға байланысты кері қайтармақ, деп жазады Би-би-си.
Компания мәлімдемесіне сүйенсек, 2014 жылы шыққан Sonata модельді көліктерден ақау табылған. Кері қайтарылатындар тізіміне тек Канада мен Америка нарығына шығарылған көліктер кіреді. Алайда осы күнге дейін ешбір сатып алушыдан шағым түспеген.
Ақау тегін жөнделіп, көлік иелеріне аз уақыт ішінде қайтарылады.
