Иерусалим маңындағы орман өртеніп жатыр

ТЕЛЬ –АВИВ. ҚазАқпарат - Иерусалимнің батысындағы орманды алқап өртеніп жатыр, деп хабарлайды ҚазАқпарат Израильдің мемлекеттік Кан радиосына сілтеме жасап.

Радиостанцияның деректеріне қарағанда, Иерусалим бөктеріндегі аудандағы алты шағын ауылдың тұрғындары эвакуация туралы бұйрық алған. Тілсіз жауды ауыздықтауға өрт сөндіру бригадалары мен 10 -нан астам өрт сөндіру ұшақтары жіберілді.

Өрт салдарынан жақын маңдағы жолдар жабылды, тас жолда кептеліс пайда болды, деп атап өтеді радиостанция.