ІІМ Петропавл оқиғасындағы күдіктінің қалыпты мектепте оқуына рұқсат берген мекемені атады
АСТАНА. ҚазАқпарат – Ішкі істер вице-министрі Марат Қожаев Үкімет отырысында Петропал оқиғасындағы күдіктінің қалыпты мектепте оқуына рұқсат берген мекемені атады, деп хабарлайды ҚазАқпарат тілшісі.
«Осы факті бойынша Қылмыстық кодекстің 24-бабы 3-бөлігі, 99-бабы 2-бөлігі (адам өлтіруге оқталу) бойынша қылмыстық іс қозғалып, күдікті уақытша ұстау изоляторына қамалды. Заңды өкілі анасы болып анықталды.
Күдіктінің психикалық денсаулығында проблема болған. Алматы қаласының Республиалық психикалық денсаулық ғылыми-тәжірибелік орталығы жалпы білім беру бағдарламасы бойынша оқуын жалғастыруға рұқсат берген», - деді Марат Қожаев.
Еске салсақ, Петропавлда 9-сынып оқушысы мектепке қаруланып келіп, бірнеше баланы жарақаттаған болатын.
Кеше түс кезінде оқиға кезінде зардап шеккен оқушылар жансақтау бөлімінде жатқаны белгілі болды.
