Иіс тиіп уланған әйел қаза тауып, 2 бала ауруханаға жеткізілді
АСТАНА. 28 қаңтар. ҚазАқпарат - Иіс тиіп уланған әйел қаза тауып, 2 бала ауруханаға жеткізілді, деп хабарлады ҚР ТЖМ баспасөз қызметінен.
Алматы қаласының Алатау ауданына қарасты Мәметова көшесінде орналасқан жеке тұрғын үйдің қатты отынмен жанатын пеш ақауынан шыққан иістен уланған 39 жастағы әйел қаза тапты.
Сондай-ақ дәл осы күні Астана қаласының Алматы ауданында Сырымбет көшесінде орналасқан жеке тұрғын үйдің қатты отынмен жанатын пеш ақауынан шыққан иістен уланған 2003 және 2006 жылы дүниеге келген балалар ауруханаға жеткізілді.
