Илон Маск Трамп әкімшілігіндегі жұмыс уақытын қысқартпақ

АСТАНА. KAZINFORM – Илон Маск сейсенбіде мамыр айынан бастап Трамп әкімшілігінің Үкімет тиімділігі департаментінде (DOGE) жұмыс істейтін уақытын күрт қысқартатынын және негізінен өз компанияларын басқаруға қайта оралатынын мәлімдеді деп хабарлайды Reuters.

Масктың ең ірі компаниясы Tesla сейсенбіде бірінші тоқсанның қорытындыларын хабарлады, онда оның таза кірісі бір жылда 71%-ға төмендегені көрсетілді.

- Жұмыстың көп бөлігі – DOGE командасын құру және үйімізді қаржылық тәртіпке келтіру үшін үкіметпен көп жұмыс атқарылды, - деп келтірді Reuters Масктың сарапшылармен телефон конференциясында кезінде сөйлеген сөзін.

Сонымен қатар, Маск DOGE-дан толығымен кетуді жоспарлап отырмағанын, оған уақытының 40% арнауды жоспарлап отырғанын айтты.

- Масктің федералды қызметкерлер штатын қысқарту бағытындағы жұмыстарға жетекшілік ететін Үкімет тиімділігі департаментіндегі жұмысы қауіп-қатерге толы болды, - деп келтіреді оның сөзін Reuters.

Өйткені ол Tesla-ға қарсы наразылықтар мен вандализм әрекеттерінің жандануына түрткі болып отырды.

Tesla компаниясының 2025 жылғы 1 тоқсандағы есебіне сәйкес, компанияның осы үш айдағы таза табысы 2024 жылдың бірінші тоқсанынан 71%-ға төмендеп, 409 млн долларды құрады. Табыс – 19,3 млрд доллар болып, өткен жылдың басымен салыстырғанда 20%-ға төмендеді.

Тesla 2025 жылдың қаңтар-наурыз айларында шамамен 337 мың электр көлігін сатты, бұл екі жылдан астам уақыт ішіндегі ең нашар тоқсандық көрсеткіш.

11 наурыз күні Tesla акциялары 15% төмендегені туралы жаздық.