Имантау-Шалқар курортты аймағын дамыту жоспары әзірленуде
АСТАНА. ҚазАқпарат - Имантау-Шалқар курортты аймағын дамыту жоспары әзірленуде. Бұл туралы бүгін Орталық комуникациялар қызметіндегі брифингте Солтүстік Қазақстан облысының әкімі Құмар Ақсақалов айтты, деп хабарлайды ҚазАқпарат тілшісі.
«Біз туризмді өңір экономикасын дамытудың маңызды бөліктерінің бірі ретінде қарастырамыз. Біздің өңіріміздегі туристер үшін ең тартымдысы - бұл Солтүстік Қазақстанның маржаны саналатын Имантау-Шалқар курортты аймағы», - деді ол.
Өңір басшысының айтуынша, ол жерге емдік қасиеті бар, су таза Шалқар мен Имантау көлдері орналасқан.
«Мемлекет басшысының тапсырмасына сәйкес Имантау-Шалқар курортты аймағын дамытудың жеке жоспары әзірленіп жатыр. Астана, сонымен қатар Ресей Федерациясы өңірлері бағытындағы автомобиль жолдары күрделі жөндеуден өтті», - деді Құмар Ақсақалов.
Фото: qazaqtimes.com
