India Today Қазақстанды саяхаттауға жаңа бағыт ретінде көрсетіп, туристерді осында шақырды
АСТАНА. KAZINFORM — 2024 жылы әлем ұзаққа созылған пандемиядан кейін қайта ашылған кезде үндістандық саяхатшылар әртүрлі және есте қаларлық орындарды іздей бастады. Көптеген бағыттар арасында Қазақстан бай мәдени мұрасы мен тамаша табиғи ландшафтымен ерекшеленіп отыр.
Бұл жайында Үндістанда жаңалықтар, талдау мен пікірдің жетекші көзі саналатын танымал India Today журналында аталып өтті.
Шамамен 8 млн дана таралымы бар India Today Үндістан ақпарат кеңістігінде маңызды рөл атқарады.
Мақалада Қазақстанның ең үлкен қаласы Алматыға ерекше назар аударылады.
Ол 2024 жылы қалалық өмір мен таңғажайып табиғи ландшафтың мінсіз үйлесімі арқылы үндістандық туристердің назарын аударады.
Вознесенский кафедралды соборы және Орталық мемлекеттік музейі сияқты тарихи ескерткіштерімен белгілі Тянь-Шань тауларының етегінде орналасқан қала аймақтың бай тарихы мен мәдениетінен сыр шертеді.
Танымал Көк базар мен Үлкен Алматы көлі саяхатшыларға жергілікті атмосфераны сезінуге және табиғат сұлулығынан ләззат алуға мүмкіндік береді.
Қазақстандық қонақжайлықтың көрінісі ретінде Алматы тек саяхат қана емес, сонымен қатар көне тарихтың лебінен бастап бірегей ландшафты тамашалауға дейін кез келген адамның өзіне қажет бір нәрсе таба алатын әлемді ашуға мүмкіндік береді.
Қазақстан 2024 жылы қызығушылық пен жаңалыққа құштар жандар үшін мінсіз орын ретінде танылып, зерттеу үшін бай мүмкіндіктер ұсынбақ.
Мақалада 2024 жылы Үндістаннан келетін туристерге Алматыны басты бағыт ретінде алға тарту арқылы оның басқа танымал демалыс орындарының арасында — Индонезия, Вьетнам, Таиланд, Жапония, Франция, Мальдив және Сейшель аралдары сияқты танымал жерлерге қарағанда ерекше мәртебесі бар екенін атап көрсетеді.
Бұл Алматының саяхаттайтын таңдаулы орындар тізімінде көшбасшылық позицияға ие екенін айқындайды.
India Today басылымындағы жарияланым үндістандық саяхатшылардың Қазақстанға деген қызығушылығының өсіп келе жатқанын ғана емес, сонымен қатар халықтар арасындағы мәдени алмасу мен өзара түсіністіктің маңызын еске салады.
Пандемиядан кейін саяхатқа қайта оралу — елдер мен мәдениеттер арасындағы байланысты қалпына келтіру және зерттеу үшін жаңа көкжиекті ашу қадамы.
