Индонезияда әуе апатының салдарынан 98 адам құрбан болды
ДЖАКАРТА. Мамырдың 21-і. ҚазАқпарат - Соңғы мәліметтер бойынша, Индонезияда болған әуе апатының құрбандар саны 98 адамды құрады, 12 адамның жағдайы ауыр,
деп хабарлайды ҚазАқпарат РБК агенттігіне сілтеме жасап. Естеріңізге сала кетейік, Ява аралының шығыс бөлігінде C-130 Hercules әскери-тасымалдау ұшағы апатқа ұшыраған. Ұшақ кеше, мамырдың 20-сы күні таңертең жоспарлы жаттығу кезінде әскери аэродромға 5-7 шақырымдай жетпей құлаған. Құлағаннан кейін машина өртенген. Бұған дейін 97 адамның құрбан болғаны хабарланған еді. Ұшақ бортында 100-ден астам адам болған. Зардап шеккендердің арасында ұшақ құлаған кезде үйлері зардап шеккен жергілікті ауылдың тұрғындары да бар көрінеді. Оқиғаның нақты себебі әзірге анықталған жоқ.
