Индонезияда қуатты жер сілкінісінен 12 адам мерт болды
АСТАНА. ҚазАқпарат - Жексенбі күні Индонезияның Ломбок аралында болған қатты жер сілкінісінен кем дегенде 12 адам мерт болды, деп хабарлайды ТАСС.
Reuters агенттігінің жазуынша, зардап шегушілер саны 40-қа жеткен. Оның дерегі бойынша, аралдың солтүстігінде жарық жоқ. Билік аралдағы әсем орындардың бірі саналатын Ринджани жанартауына туристердің баруын шұғыл тоқтатты.
Бұдан бұрын Матарам (319 мың тұрғын) қаласының төңірегінде күші 6,4 балл жер сілкінісі болған еді. Зілзаланың ошағы 7,5 шақырым тереңдікте орналасқан. Kyodo агенттігінің ақпаратына сәйкес, зардап шеккен ауданда магнитудасы 5,7-ге дейін 11 жерасты дүмпуі тіркелген.
