Индонезияда сән-салтанаты асқан бейіт тұрғызуға тыйым салынды
АСТАНА. ҚазАқпарат - Осы аптада Индонезияның ислам істері жөніндегі кеңес сән-салтанаты асқан бейіт тұрғызуға тыйым салатын пәтуа шығарды, деп хабарлайды muslim.kz.
Аталмыш елдегі мұсылман жамағатының the Majlis Tarjih Muhammadiya деп аталатын аса ірі ұйымының жетекшісі Янахар Ілиястың айтуынша, марқұмның басын қарайтып, зират тұрғызуға ешқандай тыйым салынбаған. Тек сән-салтанаты асқан бейіт тұрғызуға рұқсат берілмейді. «Ислам діні арғы дүниеге аттанғандардан гөрі тірілердің қамын жейді»,- деді ол. Сондай-ақ, ол ысырап пен дарақылыққа дінімізде тыйым салынғанын тілге тиек етті.
