Индонезиядағы кеме апаты: 10 адам жоғалып кетті

НҰР-СҰЛТАН. ҚазАқпарат – Индонезияның батысындағы Суматра аралы жағалауында кеменің аударылуы салдарынан он адам жоғалып кетті, деп хабарлайды ҚазАқпарат The Star газетіне сілтеме жасап.

«Кеме бортында 20 адам болған. Он адам құтқарылды, тағы 10-ы із-түзсіз жоғалып кетті», - деп мәлімдеді жергілікті билік өкілдері. Қайықта жұмыс іздеп Малайзияға бара жатқан заңсыз мигранттар болған.

Апат болған аумақта іздестіру жұмыстары жалғасып жатыр.