Индонезиядағы жанартаудың атқылауы: 10 адам үйінді астында қалып қойған
СИНГАПУР. ҚазАқпарат - Индонезиялық құтқарушылар Ява аралындағы Семеру жанартауының атқылауынан кейін үйінді астында қалған 10 адамды эвакуациялады, деп хабарлайды ҚазАқпарат Reuters агенттігіне сілтеме жасап.
Табиғи апаттан зардап шеккендерге көмек көрсету жөніндегі ұлттық агенттік өкілінің айтуынша, жанартау белсенділігінің күшеюі салдарынан бір адам қаза тауып, 40-тан астамы күйіп қалған, олардың кейбірі ауруханада жатыр. Сонымен қатар, жергілікті тұрғындар орналасқан бірнеше үйді құм, лай, күл басқан.
Семеру - Ява аралындағы ең биік шың және Индонезиядағы 130-ға жуық белсенді жанартаулардың бірі. Семеру жанартауының бұдан бұрынғы атқылауы осы жылдың қаңтар айында болды.
