Индонезиялық Суматра аралында жер сілкінді
АСТАНА. 23 маусым. ҚазАқпарат - Бүгін Индонезиялық Суматра аралындағы Ачех провинциясында 6,6 магнитудалық жер сілкінісі болды,
деп хабарлайды ресейдің жаңалықтар агенттігі.
Жерасты дүмпуінің кіндігі Субулуссалам қаласының солтүстік-батысында 24 шақырым қашықтықта, ал ошағы 103 шақырым тереңдікте болды. Жапа шеккендер, қирандылар және цунами қаупі туралы деректер түскен жоқ.
Индонезия территориясы «тынықмұхиттық отты шеңбер» (қуатты тектоникалық жарылыс) деп аталатын сейсмикалық тұрақсыз аймақта орналасқан.
