Индустриялық-инновациялық даму бағдарламасы бойынша барлық дайындық жұмыстары аяқталды - Ә.Исекешев

sp;АСТАНА.  Желтоқсанның  22-сі.  ҚазАқпарат /Арман  Асқаров/ -   Бүгінгі таңда    еліміздің   индустриялық-инновациялық  даму  бағдарламасы  бойынша барлық  дайындық   жұмыстары      аяқталды деуге  болады. Бұл туралы  бүгін Индустриялық-инновациялық  даму  жөніндегі  үйлестіру  кеңесінің  кезекті  отырысында   ҚР  Индустрия және  сауда министрі Әсет  Исекешев  мәлім етті. 

Оның  сөзіне қарағанда,     осы уақытқа   дейін аталған бағдарлама  бойынша   үш  көшпелі  мемлекеттік   комиссияның  отырысы  өтіп,      60-қа  жуық кеңес ұйымдастырылды.

«Бүгінде  еліміздің  индустриялық-инновациялық даму бағдарламасы  бойынша барлық дайындық жұмыстары аяқталды деуге  болады,  сондықтан    біз    бұл құжатты   келесі  жылдың    қаңтар  айында   Үйлестіру  кеңесі  мүшелерінің  қарауына    енгізуді  жоспарлап отырмыз.  Егер   2009 жыл біз үшін  дайындықпен  өтсе,  2010 жылда   біз    осы бағдарлама аясында қарастырылған   барлық  жұмыстарды  жүзеге асыратын боламыз. Елбасы  осы  құжатқа  қол қойғаннан кейін  белсенді  жұмыс уақыты  басталатын болады.  Ал құрылыс  науқаны   ашылған  кезде,  индустриялық-инновациялық даму бағдарламасы аясында   нысандарды  салуды бастаймыз»,  деді  министр.