Ингушетияда милиционерлер мінген көлік жарылды, үш адам қаза тапты

АСТАНА.   Қыркүйектің 4-і.  ҚазАқпарат - Ингушетияда  Сунжен  ауданындағы Даттых  селосының   маңында    алдын  ала мәліметтер  бойынша,  үш   милиционер  қаза  тапты.    Милиция  қызметкерлері мінген  автокөлік  жарып жіберілген.      Жараланғандар туралы    мәлімет     нақтылануда. Бейресми    мәліметтер  бойынша,  жарылыстың салдарынан  тағы  екі милиционерлер жараланған  болуы мүмкін.  

Қазір оқиға орнына  тергеу-жедел   тобы аттанды.

Ингушетияның  президенті Юнус-Бек Евкуров  бұған дейін республика халқын    әзірленіп  жатқан  лаңкестік әрекеттер туралы  ескерткен болатын.  Құқық қорғау  құрылымдарының  мәліметтері  бойынша,  республикаға    бүлікшілік әрекеттер жасау  ниетімен бірнеше жанкешті-лаңкес  келген.   Олар  үш жеңіл автокөлікті, екі   жүк көлігін  және     жарылғыш зат толтырылған    5 тонналық     теміржол контейнерін   көмекші  құралдар ретінде     қолдануы  ықтимал  екені де   хабарланды.

Республика басшысы  сондай-ақ, «әрбір  ауланы тексеру»  қажет  екенін  атап  көрсетіп,  бұған      тұрғындардың    түсіністікпен   қарайтынына  үміт    артты.   Қазіргі уақытта әр елді мекенде    мүфтият  пен    қоғамдық  ұйым өкілдерінен   комиссия  құрылуда,  олар  үй-үйді   аралап,   аулаларды тексеріп  шықпақ.