Интернетке - 40 жыл
АСТАНА. Қыркүйектің 2-сі. ҚазАқпарат - Бүгін Интернетке 40 жыл болды. 1969 жылы қыркүйектің 2-сінде Лос-Анжелестегі Калифорния Университетінде Лен Кляйнрок зертханасының 20 зерттеушісі екі үлкен компьютердің сұр төртметрлік кабель арқылы өзара мәлімет алмасқанын алғаш рет байқаған болатын.
«Арпанет» аталған желі алғашқы қадамын осылай жасаған болатын. Бір айдан кейін бұл желіге Стэнфорд зерттеу институты қосылды. Калифорния Университеті мен Стьэнфорд институтының арасында 1969 жылы қазанның 29-ында тарихта алғаш рет өзара сөз алмасылды
Лен Клейнрок пен оның зерттеушілер тобы олардың осы бір еңбегінің нәтижесі орасан болатынын білген жоқ шығар. Әлеуметтік желілер, онлайн-ойындар, басқа да мүмкіндіктер олардың түстеріне де кірмеген шығар. Бірақ та, сол ғалымдардың еңбектерінің арқасында бүгінде 1,5 миллиардтан астам адам Ғаламторды пайдалануда.
Дегенмен, «интернет» сөзі 90-шы жылдары, британдық физик Тим Бернерс-Ли алыс қашықтықтардағы ресурстар желісіне қосылуға мүмкіндік беретін таратушы жүйе - World Wide Web «ғаламторын» ойлап тапқаннан кейін ғана кеңінен қолданыла бастады.
