Интернетке шыға алатын теледидар жасалды

МӘСКЕУ. Қаңтардың 16-сы. ҚазАқпарат - Лас-Вегаста өткен тұтынушылық электроника өнімдерінің көрмесінде Intel компаниясы телебағдарлама көру кезінде Интернетке шығуға мүмкіндік беретін теледидар прототипін таныстырды,

деп хабарлайды ҚазАқпарат «Азаттық» радиосына сілтеме жасап. Прототип тұрмыстық электроника үшін арнайы ойлап табылған Intel CE 3100 жаңа процессорына негізделіп отыр. Бұл процессорлармен жарақталған алғашқы теледидарларды Toshiba және Samsung компаниялары шығаратын болады. Жаңа теледидарлар 2009 жылдың ІІ жартысында сатылымға шығады және олар CBS телекомпаниясының кабельдік желісінде жұмыс істей бастамақ.