Ирак халық санағынан бас тартты
АСТАНА. Тамыздың 17-сі. ҚазАқпарат - Иракта ағымдағы жылы қазанның 24-інде өтетін халық санағы кейінге ысырылып отыр,
деп мәлімдеді ел өкіметі.
Бұл шешім Ирактың саяси күштерімен болған консультациядан кейін қабылданып отыр. Санақты кейінге қалдырудың себебі - 2010 жылдың қаңтарында жоспарланған парламенттік сайлаудың қарсаңында қоғамда қақтығыс туғызбау ниетінен туындап отыр, делінген үкімет коммюникесінде.
Бірқатар ирак саясаткерлері ел басшылығын халық санағын өткізуден бас тартуға шақырғаны бұдан бұрын хабарланған болатын.
