Иран АҚШ пен Израильге сес көрсетті
АСТАНА. 6 шілде. ҚазАқпарат - Иранның әуе-ғарыш дивизионының қолбасшысы АҚШ-тың Таяу Шығыстағы 35 әскери базасын құртып жіберуге қабілетті екендігін мәлімдеді. Бұл туралы Қазақстан телеарнасы хабарлайды.
Сонымен қатар, Иран Ислам Республикасына Израиль шабуыл жасаса, оны бірнеше минутта-ақ жоймақ. Мұны «Революция сақшыларының» әуе-ғарыш дивизионының қолбасшысы Әмір Әли Хаджизаде мәлімдеді. Ал маусымның басында Иранда «Ұлы Пайғамбар-7» деген баллистикалық зымыран сынақтан өткен болатын. Ол 2 мың шақырым жердегі нысананы қирата алады.
