Иран мен Қытайға тартылатын газ құбырлары 2009 жылдың соңында пайдалануға беріледі - Түрікменстан Президенті
АСТАНА. Тамыздың 29-ы. ҚазАқпарат - Түрікменстан-Иран» және «Түрікменстан-Қытай» газ құбырлары 2009 жылдың соңында пайдалануға беріледі. Бұл туралы Түрікменстан Президенті Құрбанқұлы Бердімұхаммедов Түркияға сапары барысында мәлімдеді,
деп хабарлайды РБК агенттігі Түрікменстанның мемлекеттік ақпараттық қызметіне сілтеме жасап.
Президенттің айтуынша, биылғы жылғы желтоқсанда Дәулетабат газ кенішінен бастау алатын «Түрікменстан-Иран» газ құбыры пайдалануға беріледі. Қ.Бердімұхаммедов жұмыс істеп тұрған «Көрпеже-Гуртгуи» газ құбырының қуаттарымен бірге жаңа құбырды іске қосу көрші мемлекетке жылына 14 млрд. текшеметр, ал болашақта - 20 млрд. текшеметрге дейін табиғи газ жеткізуге мүмкіндік беретынын атап өтті.
Бұдан басқа 2009 жылдың соңында «Түрікменстан-Қытай» газ құбырын да пайдалануға беру жоспарланып отыр. Келісімдерге сәйкес Қытайға 30 жыл бойы жылына 40 млрд. текше метр табиғи газ жөнелтілетін болады.
