Иранда 5,5 миллионға жуық адам коронавирус инфекциясын жұқтырды
НҰР-СҰЛТАН. ҚазАқпарат - Иранда пандемия басталғаннан бері 5,5 миллионға жуық адам коронавирус инфекциясын жұқтырды. Бұл туралы ҚазАқпарат COVID-19 таралуына жол бермеу жөніндегі ВАК телеграм каналына сілтеме жасап хабарлайды.
Иранда пандемия басталғаннан бері 5,5 миллионға жуық адам коронавирус инфекциясын жұқтырды. Өткен тәулікте COVID-19 вирусының 16 362 жағдайы анықталды. Бүгінгі таңда елде аурушаңдықтың жалпы көрсеткіші 5 493 591 адамға дейін өсті.
Иран Денсаулық сақтау министрлігінің мәліметінше, коронавирус 118 508 адамның өмірін қиды, оның ішінде өткен тәулікте 317 адам ауру салдарынан көз жұмды. 6 586 пациент реанимациялық бөлімшелерде ем қабылдауда. 33 343 104 ирандық COVID-19 вирусына қарсы вакцинаның кем дегенде бір дозасын алды, 14 938 853 адам вакцинацияның толық курсынан өтті.