Иранда бір мезгілде 24 адам дарға асылды
АСТАНА. Тамыздың 6-сы. ҚазАқпарат - Иранның Карадж түрмесінде бір мезгілде 24 адам дарға асылды. Олардың барлығы есірткі контрабандасы үшін өлім жазасына кесілгендер,
деп хабарлайды ҚазАқпарат Utro.ru сайтына сілтеме жасап.
Бұл - Иранның революциядан кейінгі тарихындағы ең үлкен жаппай қолданылған өлім жазасы. Билік өз «рекордын» жаңартты - шілде айында бір мезгілде 20 адам дарға асылған болатын.
Ал жылдың басынан бері Иранда 219 адам өлім жазасына кесілді. Өлім жазасы үкімін орындау қарқыны бойынша Иран тек Қытайға есе жібереді. Қытайда жыл сайын 5 мыңдай адам өлім жазасына кесіледі, бұл - әлемнің барлық қалған елдеріндегі өлім жазаларын қосқандағыдан да көп көрсеткіш.
