Иранда тікұшақ апатынан 10 адам көз жұмды
АСТАНА. ҚазАқпарат - Иранның оңтүстігінде жедел жәрдем тікұшағы апатқа ұшырады. Салдарынан тікұшақ бортындағы 10 адам қаза тапты, деп хабарлайды РИА Новости.
«Апат салдарынан алты экипаж мүшесі, фельдшер мен 3 пациент көз жұмды. Оқиға жергілікті уақыт бойынша сағат 20.30 кезінде орын алған», - деп жазылған хабарламда.
Тікұшақ Шираз қаласына бет алған болатын, алайда белгіленген жерге 20 шақырым қалғанда апатқа ұшырады.
