Иранда тұңғыш рет бұзау клондалды
деп хабарлайды ҚазАқпарат ИТАР-ТАСС агенттігіне сілтеме жасап.
CNN-Turk телеарнасының хабарлауынша, ирандық ғалымдар екі жылдық тәжірибелік сынақтың нәтижесінде осындай жетістікке жетіп отыр.
Исфахан институтының жанындағы Клондау жөніндегі орталықтың директоры Мохаммад Хосейн Наср Исфаханидің атап көрсетуінше, бұзауды клондау - күрделі және аса шетін амал және оның табысты аяқталуы ұлттық биотехнологияның үлкен мүмкіндіктерін паш етіп отыр.
«Тегран таймс» басылымының жазуынша, зерттеу институты жоғалудың алдында тұрған жануарларды клондауға кірісуге әзір.
2006 жылы Иран Ислам Республикасы Таяу Шығыс өңірінде қойды клондай алған алғашқы ел атанған болатын. Ал ағымдағы жылдың сәуір айында институт ешкіні клондау тәжірибесінің табысты өткенін жария еткен еді.