Ираннан келген қауіпті 62 тонна қияр жойылды - АШМ
НҰР-СҰЛТАН. ҚазАқпарат - ҚР АШМ инспекторлары Ираннан келген қауіпті 62 тонна қиярды жойды, деп хабарлайды ҚазАқпарат министрліктің сайтына сілтеме жасап.
Қауіпті көкөністер Шымкент қаласында табылды. ҚР АШМ Шымкент қалалық аумақтық инспекциясының мемлекеттік инспекторлары Иран Ислам Республикасынан келген қиярдың үлкен партиясынан қауіпті зиянкестердің бірі – «Батыс гүлді трипс» вирустық зиянкесін анықтады.
Өсімдіктер карантині саласындағы заңнамалардың талаптарына сәйкес, аталған өнімдер Қазақстан аумағына тасымалдауға тыйым салынды.
62 тоннаға жуық қауіпті қияр тәркіленіп, дереу жойылды.
