Иранның оңтүстігінде ауа температурасы 74 градусқа жетті

АСТАНА. ҚазАқпарат - Иранның оңтүстігінде ауа температурасы Цельсий шкаласы бойынша 74 градусқа жетті, деп хабарлады «Российская газета».

Жарияланымда атап өтілгендей, Иранда рекорд орнатылды: өткен демалыс күндері елдің оңтүстігіндегі Бандар-Махшахр қаласында ауа температурасы Цельсий шкаласы бойынша 74 градусқа жетті. Ал су 33 градусқа дейін ысыған. Тұрғындардың көбі үйлерінен шықпады.

Синоптиктердің болжауынша, осы аптада Иранның оңтүстігінде көлеңкеде сынап бағанасы Цельсий шкаласы бойынша 50 градустан төмендемейді.