Ірі жол-көлік апаттарының алдын алу үшін жүргізушілердің жұмыс уақыты мен демалу кестесін қадағалау керек - ҚР ІІМ өкілі Қ.Жұманов
АСТАНА. Шілденің 31-і. ҚазАқпарат /Асқар Бимендин/ - Автокөлік кәсіпорындары мен жүк-жолаушы тасымалдаушы көлік иелерінің техникалық қауіпсіздікті сақтаудағы жауапкершіліктерін заңнамалық деңгейде күшейту керек, деп атап өтті ІІМ брифингісінде ҚР ішкі істер министрлігінің баспасөз хатшысы Қуанышбек Жұманов.
«Жүргізілген сараптама автокөлік кәсіпорындары мен жүк-жолаушы тасымалдаушы көлік иелерінің техникалық қауіпсіздікті сақтаудағы жауапкершіліктерін және көлік жүргізушілерінің жұмыс уақыты мен демалуын заңнамалық деңгейде күшейту керектігін көрсетті», - деді ол.
