Исекешев елордалықтарды көмірді ертерек сатып алуға шақырды
АСТАНА. ҚазАқпарат - Әсет Исекешев Астана тұрғындарына көмірді ертерек сатып алуға кеңес берді, деп хабарлайды ҚазАқпарат әкімдіктің сайтына сілтеме жасап.
Бүгінге дейін Астанада 7 көмір сатушы ұйым бар, ал 22 тамыздағы жағдай бойынша халықты қатты отынмен қамтудың қоры 14 950 тоннаға жеткен. Көмір сататын орындар мен бағасы туралы барлық ақпаратты 109 номері арқылы білуге болады. Жылу маусымына дайындық жоспар бойынша жүргізілуде, - деп мәлім етті Астана әкімі Үкімет отырысында.
Әсет Исекешевтің айтуынша қала үшін қажетті отын дайын, оның ішінде 200 мың тоннадан астам көмір, 6 мың тоннадан астам мазут бар. Жанар-жағармай қоры келесідегідей бөлінді: қатты отын - ЖЭО-1-ге 42 007 тонна берілді, ЖЭО-2 - 162 314 тонна. Мазут бойынша: ЖЭО-1 - 3 203 тонна, ЖЭО-2 - 3 036 тонна. Бұдан басқа, ЖЭО-1 мазуттың қосымша 5 382 тонна қоры бар. Нормативтік 20 тәулікке жететін көмір қоры ЖЭО-1-де бүгінде бір күнге шаққанда 36 140 тоннаны құрайды, ал ЖЭО-2 - бұл көрсеткіш 185 420 тонна.
«Тұрғын үйлердің жылу маусымына дайындығы 91%, әлеуметтік нысандар - 97%, мәдени нысандар - 100%», - деді Ә. Исекешев.
Отын-энергетикалық кешені және коммуналдық шаруашылық басқармасының басшысы Ербол Төлеуовтің мәліметінше Астанада негізгі 7 көмір сатушы ұйым бар, ал халыққа қажетті жалпы көмірдің қоры 22 тамыздағы жағдай бойынша 14 950 тоннаны құрайды. Мәселен өткен жылы мамырдан 6 тамызға дейін Астанада (энергия көздерін қоспағанда) 28,8 мың тонна жеткізілсе, осы 2018 жылы осы уақыт аралығында 35,3 мың тонна жеткізілді, бұл 22,6 % көп.
Алайда Ербол Төлеуов көмірдің қоры көп екендігіне қарамастан қала тұрғындарының қатты отын сатып алуға асықпай, бұл істі кейінге қалдырып отырғанын айтты. «Астананың» көмірін сатып алушылар негізінен қаланың шет маңында тұратындар тұрғындар.
«Күз-қыс кезінде көмір сатып алуға байланысты әлеуметтік кикілжің болып жатады. Бұл қатты отын пайдаланатын тұрғындардың күн суытқан кезде жаппай көмір сатып алуына байланысты. Нәтижесінде біркелкі сатылым болмай шығып, кезек пен баға өсіп кетеді. Астанада 31 013 жеке үй бар, олар көмірге мұқтаж. «Алматы» ауданында - 6 380, «Байқоңыр» ауданында - 4 398, «Есіл» ауданында - 8 530, «Сарыарқа» ауданында - 11 705», - деді Е. Төлеуов.
Әсет Исекешев профильді басқарманың басшысына осы мәселені бақылауға алуын, ірі көмір сатушылармен мұның алдын бағаны өсірмеу туралы меморандумға қол қойылғандығын еске салды.
«Біз көмір сататын ірі компаниялармен ертерек жиналып, осы мәселенің бәрін талқыладық. Қазір біз тағы да жиналып, бағаны өсіруге жол бермеуге және жеткізудің кестесін кешіктірмеу туралы келісімге қол қоямыз», - деді әкім.
Сонымен бірге Ә. Исекешев қала тұрғындарын айқай-шу мен кезекке тұрып қалмас үшін қатты отынды кейінге қалдырмай ертерек сатып алуға шақырды.
Естеріңізге сала кетейік, iKomek қалалық орталық базасында халықты көмір сататын орындар мен бағасы туралы кеңес беретін тікелей желі (109 телефоны) бар. Алайда, осы қызметтің мамандарының айтуынша, қазіргі таңда бұл қызмет түрі кеңінен пайдаланылмай отыр екен. Соңғы аптада тікелей желіге көмір сатып алу туралы небары 10 адам ғана қоңырау шалыпты.
