Ішкі істер министрлігінің сайтында жұртшылықпен байланыстың жаңа жүйесі іске қосылды

АСТАНА. Қаңтардың 12-сі. ҚазАқпарат /Айдар Оспаналиев/ - Жаңа жылдан бастап, Ішкі істер министрлігінің сайтында тұрғындармен байланыс жаңаша жүйеде жүргізілетін болады,

деп хабарлайды ҚазАқпарат. Ішкі істер министрлігінің Тіл саясаты және ақпарат департаментінің бастығы Бағдат Қожахметовтың сөзіне қарағанда, енді еліміздің кез-келген тұрғыны жасалған немесе жасалайын деп жатқан заңға қайшы оқиғалар жөніндегі, болмаса полиция қызметкерлерінің өзі ісіне салғыртығы туралы материалдарды сайтқа орналастыра алады. Ол үшін оларға www.іім.kzсайтындағы «сенім беті» айдарына кіру қажет.