Ішкі істер органдары қызметін құқықтық реттеу мәселелері тақырыбында Интернет-конференция өткізілмек

АСТАНА. Маусымның 23-і. ҚазАқпарат /Даниел Шайынғазин/ - Маусымның 25-інде Қазақстан Республикасы Ішкі істер министрлігінің www.mvd.kz сайтында Астана уақыты бойынша сағат 11.00. мен 12.00. аралығында «Ішкі істер органдары қызметін құқықтық реттеу мәселелері» тақырыбында интернет-конференция өткізіледі, деп хабарлайды ведомствоның баспасөз қызметі.

Осы интернет-конференцияға қатысам деушілер өз сұрақтары мен өтініштерін ведомствоның сайтына қалдырып кетуіне, болмаса конференция өтетін күні интернет желісі арқылы www.mvd.kz сайтына кіру арқылы ұсынуларына әбден болады.