Ислам отбасында бала тәрбиесі маңызды

АЛМАТЫ. ҚазАқпарат – Алматы қаласы Қоғамдық даму басқармасының жанындағы Кеңес беру және оңалту орталығының ұйымдастыруымен діндар әйелдер жамағатының арасында «Отбасы және бала психологиясының маңыздылығы» психологиялық тренингі өтті, деп хабарлайды ҚазАқпарат.

Психологиялық тренингті орталықтың психолог маманы Ахметов Бауыржан және дінтанушы маманы Жетпісбай Назерке жүргізді.

Ахметов Бауыржан бүгінгі күнде өзекті болып отырған отбасылық мәселелер, соның ішінде баламен қарым-қатынастың жоғалуы, оның басты себептері және алдын-алу жолдары, сондай-ақ бала психологиясының маңыздылығы турасында сөз етті.

Жетпісбай Назерке қоғамда теріс ағым идеологиясына ұшыраған жастар туралы, соның ішінде теріс ағым өкілдеріне алдану, әлеуметтік желі зардабы, жалған неке құрбандары, сондай-ақ соғыс ошақтарынан оралған қазақстандықтар туралы әңгіме өрбітті. Жат ағымдарға алданбаудың түрлі жолдарын айтып, балалардың әрбір іс-әрекетін бақылап, бала тәрбиесіне жауапкершілікпен қараудың маңыздылығын жеткізді.

Қатысушылар өз сұрақтарын қойып, пікірлерін еркін білдіріп, ашық сұхбаттасты. Шара соңында қатысушылар өз сұрақтарын қойып, пікірлерін еркін білдіріп, ашық сұхбатпен аяқталды.