Исламтану академиясының бас хатшысы Қазақстанға Мысырдан әкелінген қолжазбаларды тапсырды
НҰР-СҰЛТАН. ҚазАқпарат – Исламтану академиясының бас хатшысы Әл-Азхар, профессор Назир Мұхаммед әл-Назира Египеттен әкелінген тарихи сыйды қолжазбалар және сирек кітаптар ұлттық орталығына тапсырды, деп хабарлайды ҚазАқпарат тілшісі.
Қолжазбаларды табыстаудың салтанатты рәсімі елордадағы қолжазба және сирек кітаптар ұлттық орталығында өтті.
Шараға Исламтану академиясының бас хатшысы Әл-Азхар, профессор Назир Мухаммад әл-Назира Айяда, ҚР Египет Араб Республикасындағы төтенше және өкілетті елшісі Лама Шариф Қайрат Хайрбекұлы, қолжазба ұлттық орталығы директорының орынбасары Нұрлан Ережепов, сондай-ақ орталықтың ғылыми қызметкерлері қатысты.
«Әл-Азхар» университеті Қазақстанға 55 мыңнан астам қолжазба жинақталған каталогтың 28 томын сыйға тартты.
«Бұл қазақ халқына деген құрметтің белгісі. Өте құнды дүние. Каталог көптеген жылдар бойы ислам және араб өркениетінің дамуынан хабар береді. Аталған қолжазбалардың маңыздылығы сол медицина, астрономия ғылым саласын қамтиды. Біздің есебіміз бойынша каталогқа 55 мыңнан астам қолжазба енгізілген. Еңбектер бірнеше аймақтың авторларын қамтиды. Қолжазбалардың авторлары әртүрлі елдерде түрлі бағыттар бойынша жұмыс істеген. Менің ойымша, бұл қолжазбалардың маңыздылығын ғылыми және діни тұрғыдан түсіну керек. Қолжазбаға қазақ жерінен шыққан ғалымдардың еңбектері де бар», - деді профессор Назир Мухаммад Аль-Назира Айяда салтанатты шарада.
Қолжазбалар және сирек кітаптар ұлттық орталығының бас сарапшысы Алмат Әбсалықов Мысырдан келген тарихи қолжазбалар зерттеуге жіберілетінін айтты.
«Египет ислам мәдениетінің орталықтарының бірі. Онда жиналған қолжазбалар тек Египет пен арабтарға ғана емес, сонымен бірге ислам мәдениетімен байланысты барлық елдерге қатысты. Бізге тек діни әдебиет қана емес, тарихи, поэтикалық әдебиет, әлеуметтану да сыйға тартылды. Бұл өте құнды қолжазбалар. «Әл-Азһар» университеті дәстүрлі теологиядан сабақ беретін ең ірі мұсылман орталығы, - деп атап өтті Алмат Әбсалықов.
Сондай-ақ, ұлттық орталық маманы жуырда бір топ отандық ғалым Мысырға жұмыс сапарымен баратынын мәлім етті.
«Біз қолжазбаларды сатып алуға көмек көрсету туралы ынтымақтастық келісім жасамақпыз. Алтын Орда кезеңінде Тимур (Тимуридтер империясы) мен Алтын Орда арасында соғыс болған кезде Алтын Орда жеңіліске ұшырады. Көптеген алтын сақшылар Мысыр аумағына қашып кетті. Ол кезде Египетте мамлюктер деп аталатын қыпшақ халқы билік еткен. Олар Мысырды басқарды. Орталық Азиядан көптеген ғалымдар Мысырға көшіп келіп, онда түркі тілінде көптеген кітаптар қалдырды. Біз сол еңбектерді зерттегіміз келеді», - деді Алмат Әбсалықов.
