Испания үкіметінің төрағасы Каталониядағы референдумға қатысты ресми мәлімдеме жасады
Каталонияда дауыс беру аяқталғаннан кейін Испания үкіметінің төрағасы Мариано Рахой Мадридте ресми мәлімдеме жасап, Каталониядағы дауыс беруді өзін-өзі билеу туралы референдум деп атаудан бас тартты.
«Каталонияда өзін-өзі билеу туралы референдум өткен жоқ, - деп атап өтті премьер.
Үкімет басшысының пікірі бойынша, өңірлік биліктердің сепаратистік процесі «сәтсіздікке ұшырады».
Сондай-ақ, ол «көптеген каталондық халықтың плебисцитке қатысқысы келмегенін» хабарлады.
Айта кетейік, Каталония үкіметінің ресми өкілі Жорди Туруль мәлімдеуінше, жексенбі күні Испанияның Каталония аймағында өткен референдумда тұрғындардың 90%-ы тәуелсіздікті қолдап дауыс берген. Каталония үкіметінің ресми өкілі баспасөз мәслихатында тәуелсіздік алу туралы бастаманы сайлаушылардың 7,8%- қолдамағанын, ал 2%-ының бюллетендері бос болып шықса, 0,89% - бүлінген деді.
Айта кетейік, Испан билігінің осы референдумға қатысты ұстанымын жариялады. Бұл дауыс берудің ешқандай заңды күші жоқ, себебі ол корольдіктің конституциясына қайшы келетіндігін хабарлады.
