Испанияда жұмыссыз мигрант лотереядан 400 мың еуро ұтты
АСТАНА. ҚазАқпарат - Сенегалдық жұмыссыз мигрант Нгаме Испанияда рождестволық лотереядан 400 мың еуро ұтып алды, деп жазады The Guardian. 35 жастағы ер адам зайыбымен бірге тұратын испаниялық Альмерия провинциясында сатып алған 1,6 мың ұтыс билеттерінің біріне ие болғаны атап өтіледі.
«Бұған сене алар емеспін. Айтқым келетіні, бізде тіпті 5 еуро да болмаған күндерді бастан кештік», - деді мигрант жергілікті газетке берген сұхбатында. Ол таяуда жұмыстан шығарылғанын қосып айтты.
Басылымның атап өтуінше, 8 жыл бұрын Нгаме Мароккодан Испанияға адамдарға толы ағаш қайықпен өтпек болған. Ішінде 65 адам отырған қайық суға бата жаздады, бірақ Испанияның жағалаудағы күзеті ер адам мен оның зайыбын құтқара алған.
Мақаланың авторы El Gordo лотереясының әлемдегі ең танымалдарының бірі екенін атап өтеді.
