Испанияның 50 қаласында тұрғын үй дағдарысына қарсы демонстрациялар өтті

АСТАНА. KAZINFORM — 5 сәуірде Испанияның 50 қаласында «тұрғын үй бизнесін аяқтайық!» деген ұранмен жаппай наразылықтар өткізілді, хабарлайды Euronews.

Жалға алушылар мен әлеуметтік платформалар тұрғын үй дағдарысын шешуді талап ету үшін бас біріктірді. Олардың негізгі талаптары — жалдау ақысын 50%-ға төмендету, бос жатқан үйлерді қалпына келтіру және тұрғын үйлерден осал отбасыларды шығаруға тыйым салу болды.

Жаппай наразылықтар 2023 жылдың сәуірінде Канар аралдарында тұрғындар туризмнің тұрақты моделін және қолжетімді баспананы талап еткен кезде басталды. Көп ұзамай шараға Малага, Мадрид, Барселона және Валенсия тәрізді басқа қалалар да қосылды.

Испанияда жалдау ақысы күрт өсіп кетті. Салдарынан көптеген отбасы үшін баспана жалдау ақысын төлеу мүмкін емес болды.

Негізінен аталмыш акциялар Мадридте наразылық атаулары бар станциялар арқылы көрсетілсе, Канар аралдарында әшекейленген мүсіндер сияқты символикалық іс-шаралар арқылы жеткізілді.

Осылайша, ұйымдастырушылар бұл наразылықтар Испаниядағы қолжетімді баспана үшін күрестің жаңа толқынының бастамасы болатынына сенімді.

Бұған дейін 2024 жылы Испанияда жұмыссыздық деңгейі төмендегенін жазған едік.